من خلال متابعتنا لقصص و حكايات عن حرب أكتوبر
بندخل في جزئيات كتير جدا بس مش مهمه و في نفس الوقت بنهمل كليات شديدة الأهمية
و هي مثلا الفلسفة اللي مصر حاربت بيها
أنا في رأيي أن مصر دخلت الحرب دي بفلسفة مش مهم كام واحد يموتوا المهم نكسب الحرب في الأخر
و أعتقد أن ده المبدأ اللي كان ممكن شخص زي السادات يحارب بيه
مش بس السادات كمان حسني مبارك
المعتاد في كل الأستراتيجيات العسكرية أن الهجوم بيكون متركز في نقاط محددة
و بيكون فيه هجوم بأعداد قليله جدا من نقاط تانيه للتمويه و تشتييت العدو و القيام ببعض المهمات المساعده
بس في حرب أكتوبر كان الهجوم بنفس الكثافه من جميع النقاط
اللي أكتر من كده اللي عملوا حسني مبارك قائد القوات الجوية
اللي بيدل على قمة الأستهتار بأرواح جنوده
حسني جاب طيارات التدريب ( حاجه كده زي الطيارات الورق ) و حط عليها شوية بمب
و ركب فيها طيارين و طلعهم يحاربوا علشان يبقى فيه كثافه في الهجوم للطيران بتاعنا و عشان يربكوا الدفاعات الأرضية الأسرائيلية
على الرغم من أنه متأكد 100% أنهم ميتين ميتين
و ده اللي خلى إسرائيل بعد الحرب تقول أنها و قعت 432 طيارة
على الرغم من أن حسني بيه بيقول أن الخسائر أقل من 5 % لأن سيادته ما حسبش طيارات التدريب من ضمن الخساير
مش دي القضية أنا كتبت الموضوع ده علشان أسأل عن الفرق بين مصر و المصريين
هل ممكن نضحي بجزء من البشر علشان نرجع جزء من الأرض
و هي أيه مصر أصلا الناس و لا الأرض
و شكرا
و السلام عليكم و رحمة الله و بركاته
