حب للأبد

البطل: حبيبتى

البطله : نعم

البطل: يا حبيبتى سيرتك بطاله بتلبلب على كل لسان

والناس قاعده يوماتى تتكلم ف كلام حمضان

البطله: قطع لسانك منك ليهم

دا انا طول عمرى نضيفه يا مان

ليه بتصدق أى كلام أما زباله مالكش أمان

البطل: طول عمري

طفل و انا طفل وديع بتحرك زى الفراشه

مش زيك ف إيديك طفاشه

البطله: أخلاقك دايما ف النازل ودا شئ عادى متربى عليه

عمر السافل ما هيتأدب مش هستغرب ولا أقول ليه

البطل: الحق عليا إنى شبكتك واديتك من قلبى شمعه

دا انتى متسويش غير شبشب مقطوع وبفرده كمان ضايعه

البطله: مش هتكلم عن بلاويك الناس كلها عارفه وشايفه

فاكر يوم ما سرقت الوزه

مستنيتش وكلتها صاحيه

البطل : ما اشوفش وشك قدامى

ولا اقابلك حتى بالصدفه

لحسن ودينى وإيمانى

أحش رقبتك بالمطوه

أيهاب الدسوقي