الثقافة السوداء

مصراوي - خاص - رجح خبراء مصريون ومحللون إقدام وزير الخارجية أحمد ابو الغيط على طلب التحقيق في واقعة فيلم روح شكيد الإسرائيلي إلى رغبة الحزب الحاكم في استغلال الموقف الذي جاء كطوق نجاة للحكومة ، لرفع أسهمها في الشارع، والتغطية على الجدل لدائر حول التعديلات الدستورية الجارية.
انا مش قادر أفهم ايه الثقافه بنت العرص دي
لو الحكومه طالبت بالتحقيق تبقى عايزه تغطي على التعديلات الدستوريه
و لو ما طالبتش تبقى يا عيني حكومه بنت كلب عميله و خايفه تزعل أسرائيل
ده قائم على مبدأ أساسي بيحاول يوصلهولنا الإخوه (( الوطنيين )) هو
أن كل حاجه لازم تكون سودا وحتى لو هي بيضا لازم نحللها بالطريقه اللي تخليها سودا
يمكن يا عيني علشان لو كانت حاجه كويسه مش هيلاقوا كلام يقولوه
و يقعدوا يا عيني فاضيين مش لاقيين حاجه يعملوها
يعني هيزودوا البطاله
أصل الناس اللي ذي دول شغلتهم الكلام
أو بالمعنى الأصح الجعجعه
بس جعجعه بلا طحن
فلازم يسودوها علشان يشتغلوا وعلشان يعيشوا دور الوطنيين والخايفين على البلد والباقيين ولاد كلب عملاء
اللي مضايقني في الموضوع إن فيه ناس تفكيرها على قدها وبتصدق أي حاجه بيسمعوها فالدنيا بتسود في وشهم وبيصعبوا عليا والله